Kopeshti “Ali Arapi” me Palestër të Re

Në kopështin “Ali Arapi” me një investim të Bashkisë Elbasan është bërë ndërtimi dhe kompletimi me pajisje i një palestre fëmijësh e cila është realizuar nga Qëndra Ekonomike e Arsimit. Në ndihmë të Bashkisë Elbasan për këtë investim që do ti shërbejë fëmijëve të qytetit kanë dhënë kontribut disa biznesmenë të qytetit tonë, prindërit e fëmijëve që mësojnë në këtë kopësht dhe një përkushtim i madh nga ana e drejtoreshës së këtij kopeshti. Me vënien në funksionim të kësaj palestre e cila është e e vetme në llojin e saj në qytet, fëmijët do të kenë më shumë mundësi dhe hapësira për zhvillimin e aktiviteteve të ndryshme argëtuese, kulturore, sportive etj, gjatë kohës që mësojnë në kopësht dhe më gjërë.
Gjithashtu po  në këtë kuadër një investim tjetër që vlen të përmendet është rikonstruksioni total i çerdhes numër 7 brënda tërë parametrave bashkohore dhe kompletimi i saj me të gjitha pajisjet e duhura duke e kthyer këtë çerdhe në një ambjent të përshtatshëm dhe mjaft komod për kategorinë e fëmijëve që mësojnë në të. Kryetari i Bashkisë i ka kushtuar një vëmëndje dhe rëndësi të madhe mirëfunksionimit të kësaj çerdheje, siç dihet kjo është çerdhja e vetme në qytetin tonë që funksionon në varësi të Bashkisë nëpërmjet Qendrës Ekonomike të Arsimit. Në këtë çerdhe ka një staf prej nëntë punonjësish që kujdesen për rreth 60 fëmijë të grup moshës nga 0-3 vjeç të cilët ushqehen dhe qëndrojnë në këto ambjente nga ora 07:30 deri në orën 18:00.
Investimet e Bashkisë Elbasan do të vazhdojnë edhe në vazhdën e këtij viti në këtë drejtim. Gjatë këtij viti Bashkia do të vendosë sistemin e ngrohjes qëndrore me kaldaja në kopshtet e qytetit duke kryer kështu premtimet e dhëna nga Kryetari i Bashkisë në drejtim të interesimit për kujdesjen dhe mirërritjen e kësaj kategorie fëmijësh.