Ambasadori i Spanjës viziton Bashkinë Elbasan

Ambasadori i Spanjës z. Manuel Montabbio vizitoi Bashkinë Elbasan në kuadër të një turi në gjithë qytetet e mëdha të vëndit për tu njohur më nga afër me këto qytete. Ambasadori u prit nga Kryetari i Bashkisë z. Qazim Sejdini, për z. Montabbio kjo ishte hera e parë që vizitonte qytetin tonë dhe tregoi mjaft interes për tu njohur më shumë me Elbasanin, të kaluarën e tij, kulturën, artin dhe problematikat që ka qyteti.
Në këtë takim u prekën problematika të ndryshme në lidhje me qytetin e Elbasanit ku të dy palët ranë dakort për një bashkëpunim në të ardhmen dhe z. Montabbio u shpreh se institucioni që ai përfaqëson do të jetë një urë lidhëse bashkëpunimi midis dy vendeve. Kreu i Bashkisë nëpërmjet Ambasadorit kërkoi dhe i bëri ftesë që në një të ardhme jo të largët firmat Spanjolle të vijnë e të investojnë në qytet pasi kjo do i shërbejë akoma më shumë bashkëpunimit midis dy vendeve.
Pas takimit në ambjentet e Bashkisë Ambasadori i shoqëruar nga Kryetari Bashkisë dhe N/Kryetari Serafin Papa vizituan Muzeun Etnografik, Mozaikun e Bezistanit që u zbulua verën e shkuar, Teatrin Skampa dhe më pas duke ecur në rrugicat e kalasë vizituan Xhaminë “Mbret” dhe Kishën e “Shën Pjetrit”.