Një qëndër qyteti me vizionin e turizmit

Bashkia Elbasanit në kuadër të rregullimit të qëndrës së qytetit vazhdon punimet për ti ndryshuar pamjen dhe për ta bërë Elbasanin një qytet ku të ketë më shumë hapësira të gjelbërta, me më shumë pastërti, me më shumë lulishte, një qytet ku të jetohet sa më mirë dhe një qytet që rrit dita ditës interesin e turistëve vëndas por edhe të huaj akoma më shumë për ta vizituar.
Projekti që po zbatohet në qëndër të qytetit është implementimi i fazës së parë të planit rregullues së qytetit i miratuar nga dhe K.RR.T.R.SH me vendim nr.1 datë 18.12.2004. Projekti në fjalë është projektuar nga Drejtoria Projekimit në Drejtorinë e Urbanistikës të Bashkisë Elbasan dhe është kombinim i projektit të qëndrës së qytetit nga studio B-Grup me qëndër në Xhenova të Italisë dhe projektit që po kryen Universiteti I Pizës në bashkëpunim me Institutin e Monumenteve të Kulturës Tiranë. Financimi i këtij projekti vjen nga të ardhurat e Bashkisë dhe është miratuar në Këshillin Bashkiak.
Në këtë projekt do të bëhet  rehabilitimi i rrugës nga Teatri ‘Skampa’ deri tek kryqëzimi  1 ‘Maj’ duke përfshirë këtu edhe sheshin ‘Gensher’. Në punimet që po bëhen është duke u sistemuar lulishtja përgjatë murit të kalasë me pllaka, stola dhe ndriçimi i cili do të jetë nga poshtë murit të kalasë. Gjithashtu sheshi ‘Gensher’ do të shtrohet me pllaka ku qytetarët do të kenë mundësi ta përdorin si shëtitore, për shkak të gjëndjes së keqe të pemëve egzistuese erdhi si nevojë edhe mbjellja e pemëve të reja. Pemët e reja që u zëvëndësuan me të vjetrat janë ‘Photinia’ dhe në ç’do stinë të vitit ajo mban ngjyrën e gjelbër dhe ka një lartësi prej 5 metrash.
Të gjithë qytetarët e Elbasanit me ardhjen e stinës së Pranverës do të kenë një mundësi më tepër për të dalur nga shtëpitë e tyre e për të kaluar disa çaste shlodhëse pranë këtyre ambjenteve të reja që po krijon Bashkia për ta.