Kyetari i Bashkisë takohet me qytetarët elbasanas për të informuar dhe paraqitur atyre punën e bërë gjatë vitit 2007 dhe  projektet e Bashkisë të cilat do të implementohen gjatë këtij viti në shërbim të tyre.

Në ambjentet e teatrit “Skampa” me nismën e Forumit të Mendimit të Lirë mbështetur nga Ambsada Amerikane u realizua një takim ku merrte pjesë Kryetari i Bashkisë Qazim Sejdini, drejtori i këtij Forumi Mentor Kikia dhe qytetarë nga lagje të ndryshme të qytetit të Elbasanit. Në këtë takim ku morën pjesë një numër i madh qytetarësh qëllimi kryesor ishte llogaridhënja, transparenca, përgjigje e pyetjeve të qytetarëve nga ana e Kryetarit të Bashkisë dhe informim i komunitetit për punën e deritanishme nga viti 2007 dhe projektet që do të implementojë gjatë këtij viti Bashkia.
Hapjen e këtij takimi e ka bërë drejtori i Forumit të Mendimit të Lirë Mentor Kikia ku në fjalën e tij u shpreh se takime të tilla me drejtues të pushtetit vendor duhet të realizohen sa më shumë në menyrë që qytetarët të informohen rreth punës që bëhet gjithashtu duke këkuar llogari për premtimet e dhëna gjatë periudhave të fushatave zgjedhore, realizimin e këtyre premtimeve, të bëhen pjesë e vendimarrjes dhe menaxhimit të qytetit sepse janë taksat e tyre dhe investimet që bëhen të kenë mbështetjen, ndërgjegjësimin për ruajtjen e ambjenteve sepse ato janë pikërisht për të pasur ata një jetë sa më të mirë, më të pastër e më komode.
Më pas fjalën e merr Kryetari i Bashkisë i cili fillimisht falenderon qytetarët elbasanas për pjesmarrjen dhe interesimin. Në fjalën e tij Kryetari i Bashkisë foli rreth disa investimeve të cilat janë implementuar gjatë vitit 2007 i cili u shpreh se jemi përpjekur të realizojmë një menaxhim më të mirë dhe efektiv të burimeve lokale duke punuar për zhvillimin e qytetit si një i tërë, të përmirësojmë urbanistikën, infrastukturën dhe të ruajmë mjedisin. Një rëndësi të veçantë për ne gjithashtu është të rrisim transparencën në vendimarrje publike dhe të kemi qytetarët pjesë të saj, të promovojmë rritje ekonomike, të ndjejmë dhe të jetojmë me detyrimet që kemi për qytetin. Duke u bazuar në shifra konkrete Kryetari u shpreh se janë realizuar 35 prokurime prej të cilave, 12 janë ndërtime të reja (rrugë, ndriçim, gjelbërim, objekte shkollore, 7 janë rikonstruksione ndërtimore dhe 3 makineri dhe paisje. Në sektorin e tatim-taksave janë përcjellë 1964 dosje të subjekteve të biznesit të vogël përfshirë dhe transportin, në fakt për vitin 2007 u arrit të regjistrohen 2528 subjekte. Kjo u arrit si rezultat i menaxhimit të mirë dhe rritjes së efiçensës në aktivitetin e institucionit në këtë drejtim, rritje të numrit të subjekteve që kanë paguar taksat për vitin e kaluar ka patur në të gjitha strukturat e biznesit përfshirë këtu edhe biznesin e madh. Ndërsa shërbimi urbanistik në zbatim të ligjit për urbanistikën dhe planeve të zhvillimit afatshkurtra, afatmesme dhe afatgjata janë miratuar 55 kërkesa për studime pjesore urbanistike, 47 kërkesa për sheshe ndërtimi dhe janë dhënë 116 leje ndërtimi. Për sa i përket shërbimeve publike është përpjekur të përmirësohet shërbimi i pastrimit të qytetit, gjelbërimit dhe mjediseve publike të qytetit, mirëmbajtja e rrjetit të ndriçimit në qytet, strehimi, transporti etj. Në këtë menyrë Kryetari i Bashkisë shpjegoi para qytetarëve të cilët janë taksapaguesit për ti treguar atyre se sa të ardhura ka Bashkia dhe se sa nga këto para shkojnë për investime duke i paraqitur ato me shifra konkrete për çdo drejtori siç janë: Shërbimet Sociale, Inspektoriati Ndërtimit, Policia Bashkiake, Urbanistika, Tatim-Taksat, etj.
Për sa i përket projekteve të vitit 2008 Bashkia nëpërmjet Drejtorisë së Politikave të Zhvillimit Ekonomik realizoi buxhetimin me pjesëmarrje ku u zhvilluan takime në çdo lagje të qytetit, për investimet që do të realizohen të jenë pikërisht vetë qytetarët ata të cilët do të vendosnin. Kryetari i Bashkisë mori pjesë personalisht në çdo takim për ti dëgjuar nga më afër problemet e komunitetit dhe me votimin e vetë banorëve në menyrë transparente u zgjodhën prioritetet për çdo lagje. Vizioni ynë për qytetin u shpreh Kryetari është një rilindje e qytetit me një qeverisje lokale demokratike, transparente dhe llogaridhënëse. Qytet me qëllim të qartë zhvillimi, me nivel të lartë jetese, me një ekonomi të përshtatur me rregullat e tregut, me infrastukturë moderne dhe mjedis të pastër, me urbanistikë që të jetë mishërim i gërshetimit të antikës me ndërtimet moderne, me arsim dhe kulturë në vend udhëheqës në rang kombëtar, një qytet tërheqës për investime të huaja por dhe vendas, një qytet që të na ftojë të gjithëve ta kemi alternativën tonë të parë të jetës.
Pas fjalës së Kryetarit të Bashkisë u zhvillua një bashkëbisedim midis qytetarëve të pranishëm në sallë dhe Kryetarit i cili ju përgjigj të tëra pyetjeve të tyre.